Gull á móti sól

Gefin út árið 1995. Skúli Gautason tók sér frí frá hljómsveitinn um tíma, en platan var tekin upp í Grjótnámunni og var upptökumaður Nick Cathcart-Jones.

Platan átti að vera einhvers konar framhald á “Þetta stóra svarta” en varð öllu tilraunakenndari. Lagið Rokk var tekið í heild í einni töku inni í eldhúsi Grjótnámunnar og lagið I wanna hold you near me er eins konar bítlagrín. Þarna er einnig spunaverk með hliðarhljómsveitinni Jasstríó Einars Rún, Lestur úr lófa er tekið upp í lifandi flutningi á Gauknum.

Margir góðir gestir komu við sögu, m.a. þær Andrea Gylfadóttir og Berglind Björk Jónasdóttir, Kristján Kristjánsson sem lék á gítar og munnhörpu, Jón Björgvinsson sem barði allskyns slagverksdót, þeir Magne Kvam og Stefán Ómar Jakobsson blésu í básúnur, en Gestur Pálsson í saxófón. Þorleikur Jóhannesson lék hinsvegar á trompet. Helga Kvam lék eins og engill á þverflautu og Máni Svavarsson forritaði alls kyns undratæki sem enginn kann að nefna. 
Viðar Bragi Þorsteinsson, hljóðmaður, fékk að troða upp og brýna raust sína auk þeirra Kára Waage og Albert Ágústssonar. 

Lög:

Þú getur ekkert, lag eftir Pálma J. Sigurhjartarson, texti eftir Sniglabandið

Balsam stúlkan, lag eftir Pálma J. Sigurhjartarson, texti eftir Pálma J. Sigurhjartarson

Hí á þig, lag og texti eftir Einar Rúnarsson

Gull á móti sól, lag eftir Pálma J. Sigurhjartarson, texti eftir Pálma J. Sigurhjartarson

Fljúgandi, lag eftir Pálma J. Sigurhjartarson, texti eftir Björgvin Ploder

Rokk, lag eftir Pálma J. Sigurhjartarson, texti eftir Davíð Stefánsson og Pálma J. Sigurhjartarson

I wanna hold you near me, lag eftir Pálma J. Sigurhjartarson, texti eftir Pálma J. Sigurhjartarson, Friðþjóf Ísfeld Sigurðsson, Nick Cathcart-Jones,

Einn með þér, lag eftir Pálma J. Sigurhjartarson, texti eftir Helgu Kvam

Betra, lag eftir Friðþjófur Ísfeld Sigurðsson, texti eftir Kára Waage

Lestur úr lófa, lag Sniglabandið, texti eftir Einar Rúnarsson

Að opna augun, lag og texti eftir Þorgils Björgvinsson